მგზავრობის საანგარიშო ღირებულება, რომელიც მითითებულია სერვისში, შესაძლოა, შეიცვალოს ტაქსის სამსახურების (სერვისის პარტნიორების) ტარიფებიდან გამომდინარე, ასევე „პიკის საათების“, „შემცირებული სიმჭიდროვის“, „ხაზოვანი სიმჭიდროვისა“ თუ „ერთობლივი მგზავრობის სიმჭიდროვის“ კოეფიციენტების გამოყენების დროს, ანდაც მგზავრობისას დანიშნულების პუნქტის შეცვლის, მგზავრის მოთხოვნით გაჩერებისა თუ სხვა შემთხვევებში, რომლებიც განმარტებულია სერვისის გამოყენების პირობებში.

მომხმარებლის აყვანა, შესაძლოა, ფასიანი იყოს. ფასიანი აყვანის ღირებულება ემატება გადაყვანის ღირებულებას და ეფუძნება:
(1) შესაბამის ავტომობილსა და მომხმარებლის მდებარეობას შორის მანძილს; და
(2) დროს, რომელიც საჭიროა აღნიშნული ავტომობილისთვის ამ მანძილის დასაფარად.

მომხმარებლის მდებარეობის მიხედვით, მოთხოვნის გაუქმება, შესაძლოა, ფასიანი იყოს შემდეგ შემთხვევებში:
(1) როცა მომხმარებელი აუქმებს მოთხოვნას, ან როცა მოთხოვნა გაუქმებულად ითვლება ქვემოთ განმარტებულ შემთხვევებში:
(ა) მომხმარებლის მიერ მოთხოვნის გაუქმება სერვისის მეშვეობით, ავტომობილის ადგილზე მისვლის შემდეგ;
(ბ) ავტომობილის ადგილზე მისვლიდან 30 წუთის განმავლობაში მომხმარებლის მასთან გამოუცხადებლობა (ფასიანი ლოდინის დროის გათვალისწინებით).
ამ შემთხვევაში ფასიანი გაუქმების ღირებულება გამოითვლება, როგორც:
(ა) მინიმალური ღირებულება შესაბამისი ტარიფის ფარგლებში; და
(ბ) ლოდინის წუთების რაოდენობის (რომელიც აჭარბებს უფასო ლოდინის წუთების რაოდენობას, მაგრამ არაუმეტეს 30 წუთისა) ნამრავლი ფასიანი ლოდინის წუთის ღირებულებაზე, მომხმარებლის მიერ არჩეული ტარიფის მიხედვით.
აეროპორტის მიმართულებით მოთხოვნის ფასიანი გაუქმებისას მოქმედებს ქალაქის ტარიფის განაკვეთები, გამონაკლისია აყვანის ღირებულება, რომელიც გამოითვლება, როგორც მომხმარებლის ქალაქგარეთ აყვანა, ტარიფის შესაბამისად.
(2) მოთხოვნის სერვისის ფუნქციონალურობის მეშვეობით გაუქმება სერვისის პარტნიორის მიერ მისი მიღებიდან 3 (სამი) წუთის გასვლისა და შესრულების დაწყების შემდეგ. მაქსიმალური თანხა, რომლის გადახდაც დაეკისრება მომხმარებელს, თითოეული მოთხოვნისთვის ინდივიდუალურად გამოითვლება, სერვისის ინტერფეისის მეშვეობით ეუწყება მომხმარებელს და არ უნდა აღემატებოდეს გამოყენების პირობებში მითითებულ მნიშვნელობებს.

ტარიფი მოქმედია 03.12.2024-მდე.